hi mit excercise hna nihhin, na Lu fahnak vialte a dam ter khawh. Na mit hmuh ning le a quality zawng a that ter khawh. Mit hmuh ning a fiang lo mi ca ahcun, Hi mit Excercise hna hi a tha tuk mi an si. hi Malit (massage) dan hna hi, Computer, TV, cun Phone a zoh tuk mi hrangah a herh bak mi an si. Rak tuah ve cio uh........
1. Na mit pawng kam
Hi na mit pawng kam na malit (massage) mi nihhin, Na hngawng fak mi, na keng fak mi, cun na liang a fak mi hna a damter i, cun na mit thazang a pek fawn.
Na kut zung (index finger) kha na mit tlang in na mit tlang a tang zawn tiang thawn. hi ti hin, nikhat ah minute 5 peng na ti la.
2. Na mit pa thum nak
hi hmanthlak i ai deh nak zawn te na malit (massage) ah hin, Na lu fah a dam cun, na hnar pit mi a awn ter fawn. hi ka zawn te nan malit (massage) mi nihhin na Nervous System zawng, a tha a dam ter i, Na tha bat nak zawng a damter fawn.
na kut dawng (index finger) kha ai deh nak zawn ah khan chia law cun, na hmailei ding tein zoh, Minute 7-8 chung na hmeh la, na malit (massage) lai.
3. Na mit pa hnih karlak
Hi ka zawn na malit (massage) ahhin na mit fak mi le na tha bat nak a dam. Na kut pi pa hnih khan ai deh nak zawn veve ah khin din tein hmet. Nikhat ah minute pa 5 peng na ti la.
4. Hnarkua pawng
hi na hnar a pawng zawn na malit (massage) mi nih hin, na mit hmuh ning a fian ter. Cun Na lu fah a dam ter fawn. Na kut dong khan ai deh nak zawn ah, ai rual tein nam, hmet (press). Nikhat ah minute 5 peng in na ti la.
5. Na mit kuar pawng
hi ka zawn na malit (massage) mi nih hin, na mit hmuh ning le na tha bat nak a damter. Na mit pawng kha tawng law a kuar nak cu na theih ko la. Na kut dawng in ai deh nak hna ah khin hmet. nikhat ah minute 3-5 chung in ti.
6. Na kutpi hmangin
China i SIbawi pawl nih an chim ning ahcun, kan kutpi hi kan hngaawng tha he a peh tlai mi a si. Hi na kutpi na malit (massage) ahhin, Na hngawng in na mit tiang thisen a kal mi a cah ter. Cun, Na mit a cawm, thazang a pek fawn.
Thut denh ah khan zaang dam tein tthu law, cun Na kehlei kutpi le orhlei kutpi kha malit (massage).
NA ketlei kha na orh lei kut in malit (massage) phot law, cun Na orhlei kutpi kha na kehlei kut in malit (massage) than. Hi ti hin nikhat ah minute 3-5 na ti peng la.
7. Na kepi hmang in
A cung lei pa 6 nak i ka tial ning bantuk in, Kepi hi hngawng tha in mit tiang a peh tlai mi asi.
Thut denh ah khan zaang dam tein tthu law, cun Na kehlei kepi le orhlei kepi kha malit (massage).
NA ketlei kepi kha na orh lei kut in malit (massage) phot law, cun Na orhlei kepi kha na kehlei kut in malit (massage) than. Hi ti hin nikhat ah minute 3-5 na ti peng la.
Hi hna hi mit a fiah lo mi hna, cun mit thazang a cak lo mi hna le lufah a nei mi hna hrangah a tha bak mi malit (massage) dan a si. Na mit hman kha i phoih law hi hna hi nichiar in tuah hna. Cun, TV, Computer le phone bih tuk hlah. A sikhawh ahcun, hi hna pa thum cu zoh lo hram i zuam law na mit cu a hawng tha zau ko la.
Comments
Post a Comment