Mark and Ruth: Khrih caah nu le va timi tlangtar in meeting ah na chim mi ah “ Pasal le hna nih an nupi le lung a thawhtertu hi zeidah a si hi an hngalh hrimhrim awk a si, cu ve bantuk cun, nupi le hna zong nih an pasal le lung a thawhtertu hi zeidah a si ti hi an hngalh hrimhrim awk a si ve” tiah na chim. Mah cu zeidah a sullam le na chim duhmi a si?
Dawtmi Mark le Ruth,
Cu ka chimmi a sullam cu hihi a si: nu le va hna nih pasal le hna hi zeitluk in dah nupi le sin in an I dan/lawh lo ti an theihthiam veve awk a si.
Ruth, na hngal dingmi cu pa cu an mit hmuhnak khan nuva si duhnak an lung a tho kho colh ko. Pa pakhat nih nu pumruatha le dawh thilthuam tetnawn in aa hrukmi a hmuh le cangka bak khin zeibantuk minung a si ti a hngalh lo zongah a feeling a kai colh ko. A pumrua le muisam zohnak kha pa caah cun a za ko, chikhatte hun zohnak nih khan nupa sinak tuahti colh duhnak thinlung a ngeihter colh ko. Cucaah, a mah le a mah a auk khawhnak (self-control) kha biatak tein a hman I hi tukforhnak hi No a ti I a nupi cungah khan zumh awktlak tein a um a herh.
Mark, na theihthiam a herhmi cu nu cu pa he an I dang tuk. Nu cu a pasal nih a thinlung duhnak di a riamhter lawngah a feeling a kai. A feeling a hngalthiammi le biapi ah a chiahpiakmi pa a hmuh tik ah a feeling a kai colh ko. Pa bantukin pumruatha le midawh hmuhnak nih a or a fawhter tuk lem lo.
A pakhatnak a lung a thawhtertu cu number 1 cu bia a ruahti huam mi pa, a bia tha tein a ngaihpiak huam mipa, a ruahnak le a hmuhning a thangthatpiak huam mipa le a herhnak tha tein a ruahpiak thiammi pa kha a si. Kha ti a ti khomi pa nih cun “Kan dawt tuk, tuzan ah na pasal kaltak law ra ka leng” a ti ahcun, cu nu nihcun No tiding ah biatak tein a mah le a mah a auk khawhnak (self control) kha a hman a herh cang.
Ihnak Khanchung Ah Buainak Tete
Thitumhnak tampi ah ihnak khanchung buaibainak hi a um, a ruang cu nu le va hna nih nu le pa an I dannak an theihthiam lo ruang teah khin a si ko. Tahchunhnak ah, an pa nih a sexy mi zaan ihnak thil aa hruk ding a duhpiak lio ah an nu cu ihnak khanchung ah hlanlio thilhruk in angki phurpi le hni phurpi aa hrukeih buin ihnak khanchung ah a luh.
A taktak tiah cun, an pa nih an nu aa dawhnak hmuh a duh ve teh. Cucaah, ihnak khanchung ah a sexy lo tukmi a thilhruk aihnak nih an pa lung a donghter ko cang. An nu nih kan pa nih ka takpum cu a thong in a hmuh cang ko caah zeiruagah cun dah hmuhthan cu a duh lengmang e a ti. A thaizing ah an pa inn a hunglawi tikah a thu I tadinca a rel colh. A tha a ba, an nu le a fale hna kha hna I hnawhter a duh hna lo.
Zanriah an hun ei tikah bia ka hra te lawng a chim cang. An nu a huat ruangah a si lo, a mah kha I dinh le a mah herh kha duh am ngai in a hun ruah caah a si ko. Zan ih caan I an nu bathroom chung in an nu tower I homh buin sexy nawm tein a hung chuah a hmuh ahcun an pa nih a tampum paluk in tham dih a duh. Sihmanhsehlaw, an nu nih a ruahmi cu kan pa nih hin a ka daw taktak maw? tiah lunghrinhnak he khua a ruah cang. A chawnh a zong a ka chawn duh lo I a bawmh zong a ka bawm duh fawn lo.
Ka pum lawng a duh ko lo maw timi ruahnak a ngei cang. An pa cu a pum cu a hmanter ko nain a ka daw taktak lo, ka pum a hman menmen a si ko tiah aa ruah cang. An pa nih zeitindah a feeling a um? An pa cu a phur a rih a lungre a thei zeicatiah, nuva sinak an tuahmi ah khan an nu aa lawmh lo kha a hmuh.
Cutikah, an pa nih a mah le mah a lung aa pur I zeicaahdah kan nu hi a di ka riamh khawh lo, ka zuzu a hme tuk le ma a si hnga tiah ah khurkhua a zaza a ruat cang. An pa chimh a herhmi cu na zuzu cu a za ko nain na holh a tlawmtuk hi a si. Inn na tin tikah nan nu kha chawnbia tuah. Nan nu hawikom tha bantuk tein um tuah.
Nan nu kha minung pa ngai bantukin ruah law, a pumrua menmen kha ruat hlah. Nan nu kha hngakchia a zohkhenhnak ah bawm ve, nangmah zawnlawng I ruah hlah. An nu chimh a herhmi cu, zapi hmai na um tikah pa dang lung a thawhter kho lo dingmi thil I hruk law, nan ihnak khanchung ahcun na pasal ca hrimhrim ah a sexy mi thil te I hruk tuah. Mah nih cun kan pa nangmah lawng kan dawt, midang a hohmanh ka daw hna lo, nangmah lawnglawng ti kha a langter.
Nu Le Pa Nih Theihfian An Herhmi Cu:
Nu hna cu mah zawn lawng I ruah lo in hawikom bantukin a ka chawnbiami le ka zawn a ka ruatmi pa hna nih a thinlung an thawhter hna an ti.
Pa hna cu nu pumrua hmuhnak bak in an thinlung a thawhkhawh colh caah ruahnak tha lo he nu hmuhmi paoh zoh lo dingin I ralring law.
Ref: Bruce Britten And Carol Britten, Answer For Your Marriage
Comments
Post a Comment